رواية قصه لغـ,,ـز جوازة جميع الاجزاء كاملة

كان اسعد يوم فى حياتى وفجاءه قلب اسـ,,ـوء يوم فى عمرى كله والضحك الى كنت بضحكه قلب عـ,,ـياط

والفرحه إلى كنت فيها قلبت هم وغم ونكد مش عليه انا بس ده على البيت كله

لما الباب خبط ورحت فتحت واتفاجاءت بواحد بيقولى انتى مدام سميه

قلتله معلش مدام مين انا انسه سميه انا لسه مااجوزتش فلقيت الراجل بصلى من فوق لتحت باستغراب كده وقلى حضرتك بتمضى ولا بتبصمى

جريت انا على اوطى وانا مش فاهمه اى الى بيحصل وقعدت اعـ,,ـيط لحد مانمت فى مكانى وشويه واجه اخويا صحانى

اخويا لما شاف حالتى كده صعبة عليه وخدنى فى حـ,,ـضنه وقلى خلاص ماتعيـ,,ـطيش هروح لخالد ده وافهم منه الحكايه اى اكيد زى ماانتى قلتى فى لبس فى الموضوع وخالد ده هيفهمنا كل حاجه وشويه وقلى خلاص اقلك البسى بسرعه وتعالى معايا نشوف الى اسمه خالد ده يفهمنا هو اى الى بيحصل بالضبط ولبست ومااعرفش لبست ازاى فى دقيقه كنت مخلصه اخويا اول ماشافنى قعد يبصلى من فوق لتحت ويقلى معقوله البرنسيسه سميه لبست بالسرعه دى اومال فين الطرحه إلى بتحطيها فى ساعه والميكب إلى فى ساعتين والاكسسوارات الى بتلبسينا فى نص ساعه والبرفان إلى بترشيه وريحته بتجيب اخر الشارع كل ده راح فين

قلتله انا مش فايقه دلوقتى للكلام ده لما اشوف المصيبه إلى انا فيها الاول وبعدين ابقى اعمل كل ده ورحنا لخالد وياريتنى مارحت ولا شفت وشه عشان صدمنى

وقالى بهدوء كده عايز افهم منك الحكايه اى بالضبط وماتخفيش انا مش هعملك حاجه بس قولى الحقيقه لطـ,,ـمت انا على وشى وقلتله والله انا مااعرف الحكايه اى جواز مين وبيت طاعة مين انا اصلا مااعرفش حد اسمه خالد فى حياتى كلها ماعرفت حد بالاسم ده اكيد فى حاجه غلط اكيد فى حاجه غلط كنت خلاص قربت اتجنن كل اخويا مايسالنى على حاجه اقله مااعرفش مااعرفش مااعرفش لحد هو كمان ماكان قرب يتجنن وهو بيقول اومال مين الى يعرف واسال مين ولقيت نفسى فى اللحظه دى بصـ,,ـرخ وانا بقله روح للى اسمه

خالد ده واعرف منه كل حاجه اكيد هو عند الاجابه لكل اسءلتك اكيد فى لبس فى الموضوع اكيد فى تشابه فى الأسماء اكيد فى تشابه فى العنوان اكيد فى تشابه فى اى حاجه لكن مستحيل اكون انا سميحه الى جوزها طالبها فى بيت الطاعه مستحيل اكون انا مجوزه الى اسمه خالد ده انا لو كنت اجوزت كنت قلت واعترفت بكل حاجه لكن ماحصلش

الثاني والثالث

خالد اول ماشافنى بصلى وضحك وقال مش معقوله مدام سميه قدامى فى بيتى المتواضع حطيت انا ايدى على بقى وقلبى دق بسرعه رهيبه وقلتله وانا الخـ,,ـوف سيطر عليه معلش هو انت تعرفنى

فقلى هو فى حد مايعرفش مراته إلى مجوزها على سنة الله ورسوله ياشيخه عيب عليكى

قلتله وانا خلاص كنت قربت اعيـ,,ـط مرات مين حضرتك قلى مراتى انا سمسمه حبيبة قلبى

اخويا بصلى وقلى كنتى بتكدبى عليه صـ,,ـرخت وقلتله لا والله ماكنت بكدب والله مااعرفه انا مش فاهمه حاجه ماتصدقوش ده كداب او مجنون اكيد فى حاجه غلط

وشويه واخويا قرب من خالد وقاله لو سمحت فهمنى كده بالراحه انت تعرف اختى ومجوزها فعلا

فخالد قاله اه اومال بناءا عليه انا رفعت قـ,,ـضيه وطالبها فى بيت الطاعه بهزر معاكو يعنى

اخويا مسك ايدى وقربنى من وشه وهو بيقله طاب بصلها كده كويس انت متاكد هى دى سميه مراتك إلى بتتكلم عنها

خالد قله ايوه دى سميه عبد السلام محمد مراتى إلى مكتوبه فى قسيمة الجواز هى بعينها إلى واقفه قدامى دلوقتى

اخويا قله ماشى فهمنى بقى اجوزتها امتى وتعرفها منين وفين قسيمة الجواز دى

فقله اجوزتها من حوالى اسبوعين واعرفها عن طريق وحده صحبتها اسمها امل وقسيمة الجواز ثوانى واجبهالك خالد دخل جوه يجيب قسيمة الجواز وانا واقفه مش على بعضى متوتره وعماله اكل فى ضوافر ايدى واخويا بيبيصلى ويقلى أهدى شويه لحد مانشوف القسيمه الى بيقول عليها اكيد فى حاجه هتطلع غلط

واول ماخالد اجه واخويا مسكت القسيمه فى أيده كان قلبى قرب يقف اخويا مشى ناحيتى ورفع القسيمه قدام عنيه وقلى هى دى امضتك بصيت انا واتصدمت وقلته بصوت كله خـ,,ـوف ايوه بس انا مامضتش على اى قسيمه ولا اتجوزته ولا اعرفه اول مره في حياتى اشوفه النهارده فاخويا قالى طاب ازاى دى قسيمه سليمه ومش مزوره صورتك عليه وامضتك كمان طاب بصى كويس دى بصمتك قلتله مااعرفش بس الامضى امضتى لكن البصمه مااعرفش انا مش خبيرة بصمات فلقيت

اخويا بيقله حضرتك ازاى اجوزتها وهى بتقول اول مره فى حياتها تشوفك

فقله كدابه اجوزتها برضاها وبموافقتها والقسيمه سليمه والامضى سليم والبصمه بصمت أيدها ولو مش مصدق اعرض القسيمه على طبيب شريعى وهو يحدد امضتها وبصمتها ولا انا بكدب عليك

اخويا كان واقف يفكر ومش عارف يقول اى ولا يعمل اى يصدقنى انا الى برفضو صلتى بيه وانى مااتجوزتوش ولا عمرى فى حياتى شفته

وشويه وخالد مشى ناحيتى وميل عليه وباسلوب كله تريقه

قلى طاب يامدام سميه انا كنت عاملك هتيجى بكره مش النهارده معلش مقدرتش انضف البيت نضفيه انتى بقى ابقى نضفى براحتك ده خلاص هيبقى بيتك من النهارده

بصتله انا بقرف من فوق لتحت وبلهجه حاده قلتله بيت مين وانضف اى انتى اكيد مجنون هو انت مين اصلا إلى بتقلى نضفى وبتتامر عليه تعرفنى منين انت واى مدام سميه دى انا انسه سميه أو استاذه سميه غـ,,ـصبن عنك والزم حدودك معايا لعرفك مقامك

فلقيته ميل عليه تانى وبيهددنى وهو بيقلى منخيرك دى هك@سرها هذلك وهخليكى خدامه عندى من غير فلوس انتى مراتى غـ,,ـصبن عنك وغـ,,ـصبن عن الكل سواء برضاكى أو غـ,,ـصبن عنك

اخويا اول ما سمع كلام خالد ده مسك فى خناقه وكان عايز يضـ,,ـربه وهو بيقله هو فى اى بالظبط ت@ذل مين وتكـ,,ـسر مين اصحى وفوق كده ده انا اد@فنك فى مكانك لو عينك اتقامت فى اختى

فضحك خالد وقله اختك دى تبقى مراتى ومعايا حكم محكمه أنها تيجى تعيش معايا هنا ولو مانفذتوش هتدخل الس@جن وساعتها الس@جن بقى هو إلى يذ@لها وراح ماسك ايد اخويا من عليه ومنزلها بغضب وقله اطلع بره وسبلى مراتى امشيها على مزاجى اعلمها الادب إلى ماقدرتش تعلمهولها انتو